ائيله دي من بينواني ياريمين ديداري مست

گوزلري مست لبلري مست لفظي مست گفتاري مست

كئفلي گئتديم بوستانا تا لاله دن ايلهام آلام

باغواني سرمست گوردوم بولبول گولزاري مست

مشتري مست مئي ساتان مست ساقي خماري مست

معبده بتخانه يه مستانه گئتديم بير گئجه

صوفي مست سجاده مست زنارمست دستاري مست

زهره پرويني قيليب مست كهكشانداگوز وورور

ناهيدين شيرين نواسي ائيله ييب عطاري مست

كئفله نيب عابد ايتيرميش قبله معبوديني

مئي ايچيررندخرابات گورمه سين اغياري مست

ياخشي باخديم كائناتين دفتر منظومينه

كاتيبي مست ناظيمي مست گنبد دواري مست

شمس تبريزي (وجي)شيرين يازيب بو مطلبي

عاقيل عقليندن پييان دير جاهيلين كرداري مست

زاهدا من چكيرم بار ملامت سنه نه

كونلوم ايستير ائله يم ساقيه منت سنه نه

سن اگر صاحب اعجازو كرم سن منه نه

من گنهكارم اگرطالب ذلت سنه نه

منه نه معبدو محرابدا كئچير اوقاتين

قيلميشام ميخاناكونجونده سكونت سنه نه

آغزيني باغلا يئمه ايچمه اوروج دوت منه نه

من اگر اولما ميشام اهل قناعت سنه نه

گئجه گوندوز باشيني تاپتا يئره هئي دور اوتور

دئييلم اهل تظاهرلي عبادت سنه نه

سن هر ايل مكه يه گئت يوزدفه احرام باغلا

افتخاريمدي منيم خلقيمه خدمت سنه نه

مين كلك ويرآچاسان بلكه بهشتين قاپي سين

سن اولان يئرده ياپيشماز منه جنت سنه نه

آلتي دانگ باغ جنان حوري وقيلمان دا سنين

راضيام هر نه يازيب آننيما قسمت سنه نه

سن گئت اوز فيكرينه قال منده بيليم اوز عمليم

داورآللاه ديراگر روزقيامت سنه نه

زندقيم باده پرستم يارادان ياخشي بيلير

آخراي ظاهري خوش باطيني ظولمت سنه نه

(وجي)ني قويسالا گر قبرينه سن اوندا دانيش

من اگر طالب كفرم يا ديانت سنه نه

انيشتن لرگئديبلر اي جهالت پيشه سن كيم سن؟

اجل يعقوب ليثه وئرمه دي بير گون آمان گئتدي

خشايارشاه ايستيردي يتيشسين طور سينايه

اوجالدي توزلو بيرطوفان سپاهي اورتادان گئتدي

ديار هندو لاهوري مسخرائيله دي نادر

گئجه صاحبقران ياتدي سحرباش ارمغان گئتدي

منيت سالدي غوغايه كيان قوم نمرودي

غرور آلداتدي نوح اوغلون ايتيردي دودمان گئتدي

هواي نفس اوندوردي قلندر شيخ صنعاني

يازيق كام آلمادي ترسا قيزيندان خوكبان گئتدي

ايكي دروازه لي تالاردي بو ملك جهان دوستوم

اجل كي چاتدي سقراطه ايچه ركن شوكران كئتدي

سوروشما ليلي احوالين دولان نيسگيللي مجنون تاپ

دونن ليلاي ليلي يوندا قالدي كاروان گئتدي

آغير طوفانداگوردوم بويلوآرواد دوغدو بير نوزاد

گمي سيندي اوشاق قالدي اكن كئتدي دوغان گئتدي

نه حكمت وار خداوندا اينانمير آدم ائولادي

گورورهركس گونون سوردو آخير ياخشي يامان گئتدي

بيري قارون دهر اولدوبيري صاحب كرم درويش

غني لعنت آپاردي مستحق جنت مكان گئتدي

بيري اصلين ايتيردي لاشه لردن روزي آختاردي

بيري مردانه سوردو عومرونو شير ژيان گئتدي

بيري اينجيتدي مظلومي گرفتار اولدو نفرينه

بيري ال دوتدو محتاجه گئدنده شادمان گئتدي

بيري شمع اولدواودلاندي ايشيقلانديردي آفاقي

بيريظلمت ياراتدي تيره اقبال دونيادان گئتدي

عزيزيم قارداشيم دوستوم بو دونيا فاني ديرفاني

مين ايلدن ارتيق عومرون سوردونوح كشتيبان گئتدي

قارا توپراق دويورماز گوزلرين دارگوز طاماح كارين

آخيربولمزبودونيايه نئچون گلدي هاچان گئتدي

ماراخ لانديردي فرهادي مجازي عشقي شيرينين

قازيلدي بيستون آباد اولاركن داغ قازان گئتدي

تماشا خانه ديرعالم گوزايستيرنقشيني گورسون

حكايت ناتمام قالدي قلم سيندي توان گئتدي

منادي سسله ييردورگل اليم بوشدوريوكوم سنگين

كيمه درديم دئييم يارب گونوم وهم وگمان گئتدي

ياپيش حق ريسمانيندان كرامت گوستراي عاقل

گورورسن گونده بو يولدان گوجا گئتدي جوان گئتدي

(وجي)عرفان كتابينده يئني بير صفحه اچدين سن

دئسين لربلكه سالك ياخشي وئردي امتحان گئتدي

ساقي دولانيم باشينا پيمانه دولاندير

اخم ائيله مه ناز ائيله مه مستانه دولاندير

فرست قوتارير عومروموزون يوخدو دوامي

دوست مجليسين اي سئوگيلي جانانه دولاندير

درويش زامانام گزيره م دور جهاني

قويما قوشولام نادانا فرزانه دولاندير

مال ايسته ميرم طالب شهرت دئييلم من

يا رب قالان اوقاتيمي مردانه دولاندير

جهل اولسا حفاظت ائله مز محرمي ديوار

حكمت حجابين عرصه دوورانه دولاندير

اسرار طبيعت كيتابين آچدي فضيلت

اي گول بو شيرين عومرو حكيمانه دولاندير

بوينومدان اسيب دير وجي زنجير محبت

آچ زنجيريمي كوچه ده ديوانه دولاندير

ايسته ديم درديمه درمان سوروشام جاناند

عالمده سني من كيمي اي گول سئوه ن اولماز

بو عشوه و نازيله سني ايسته ين اولماز

آچ گوزلريني ايندي زامان باشقا زاماندير

خئر وشري بي پرده عزيزيم دئيه ن اولما

باخما كي جوانسان سنه قيمت وئرير عالم

بير گون قوجالارسان سسينه سس وئره ن اولماز

دوست تاپ كي يامان گونلرينه دادرس اولسون

هر ظاهيري خوش مدعي درده ده ين اولماز

احسان قاپيسين باغلاما تا يول تاپا دولت

باغلي قاپيني گوزلره قوربان دويه ن اولماز

داش ديوارا كئچمز گوزه ليم پاسلي دمير ميخ

ذلت ياراسين مرهم ايله باغلايان اولماز

گيزلتمه ره م اسرار نهاني دئيره م من

نئيليم كي حقيقت آجي دير دينديره ن اولماز

عشقيم وطن عشقي دي وجي عالمي بوشلا

باشدان باشا عالم منيم اولسا وطن اولماز

تله سمه

صبر ائيله گونول محنت هجرانه تله سمه

درد اهلي يئتر صبرله درمانه تله سمه

كام آلماياجاق آيريليغا باعث اولانلار

عاشيق يئته جك سئوگيلي جانانه تله سمه

كيم اولسا سبب آيريليغاعومرو گوده لسين

بير گون اولاريق ياريله همخانه تله سمه

يوسف ده زليخاني محبتله سئويردي

صالديردي زليخا اونو زندانه تله سمه

دونيايه وفا ائيله مه چوخ آغلاما گونلوم

دونيا نه وفا قيلدي سليمانه تله سمه

پروانه اگر يانسا دا شمعين ستميندن

شمعين ده ياخار عومرونو پروانه تله سمه

گول ذوقونو چكمك ابدي خاره ده قالماز

بولبول گلر البته گولوستانه تله سمه

گونده ن گونه آرتير بوگوزه ل حوري لقالر

دونيا دونه جك جنت رضوانه تله سمه

واحد ايچه جكسن دئمه كي توبه لر اولسون

جلب ائيله يرآخير سني ميخانه تله سمه

گذرانيم يوخدور

يانيرام حاليما بير قلبي يا نانيم يوخدور

ليلايه گوره

قاچدي صحرالره مجنون دئمه ليلايه گوره

عشقه دوشموش اودا بير باشقا معمايه گوره

هره بير درد ايله آلوده دير ائيلر ناله

من سنين حسنونه بولبول گول رعنايه گوره

بو تمناده ايديم وصلينه اي گول يئته رهم

صيندي مندن اوره يين تئز بو تمنايه گوره

يوسفين عشقي زليخاني شرفدن صالدي

او دا زندانه دوچار اولدو زليخايه گوره

باشقا مه پاره لرعشقونده گوزومدن دوشدو

قطره گوزدن دوشر البته كي دريايه گوره

گول اوچون بولبول شيدا كئچير اوز جانيندان

گول نيينده ن كئچه جك بولبول شيدايه گوره؟